"நான் சொந்தமாக மென்பொருள் நிறுவனம் நடத்தி வருகிறேன். பணி நிமித்தமாக வெளிநாடுகளுக்கு சென்று வருவேன். பிப்ரவரி 26 ஆம் தேதி கோவையிலிருந்து இத்தாலி நாட்டின் ரோம் நகருக்கு வந்தேன். பயணத்திட்டத்தின்படி மார்ச் 14ஆம் தேதி இந்தியாவிற்கு மீண்டும் திரும்புவதாக இருந்தது. ஆனால், இத்தாலியில் கொரோனா பாதிப்பு அதிகரித்ததை தொடர்ந்து நான்கு நாட்களுக்கு முன்னரே கிளம்பிவிடலாம் என முடிவுசெய்து நேற்று விமானநிலையம் சென்றேன்" என்று ஸ்ரீநித்தின் தெரிவித்தார்.
"கொரோனா பாதிப்பு இல்லை என்ற கோவிட்-19 சான்றிதழ் இருந்தால் மட்டுமே இந்தியாவிற்கு அனுப்ப முடியும் என தெரிவிக்கப்பட்டது. இதனால், என்னைப்போலவே 10க்கும் மேற்பட்டோர் இந்தியாவிற்கு திரும்ப முடியாமல் விமான நிலையத்திலேயே நிறுத்திவைக்கப்பட்டனர்" என்றார் அவர்.
